A contraluz

Axóuxere, bolboreta, aloumiño, saraiba, ledicia, avelaíña, xanela, agarimo, beizos, estrela, maruxía, anaco...
Se a dozura e a beleza da lingua se agocha en determinadas verbas, ha de ser en verbas enxebres coma estas; ou semellantes.
Pero non todos son quen de sacarlles o partido que lles sacou Antón Avilés de Taramancos, Antón Avilés Vinagre, a quen se lle adica este ano o Día das Letras Galegas.

Foi comerciante, domador de cabalos, contrabandista.... e rematou a súa vida poñendo chatos de viño na súa Taberna de Noia. Pero Avilés de Taramancos foi, ademais de todo isto, un dos grandes poetas. Deses que marcarán a historia da literatura galega coa súa obra. Un saber facer que se lle recoñeceu demasiado tarde, en parte polo seu carácter, e en parte porque o seu talante nacionalista obrigouno a emigrar a Colombia onde estivo vinte anos.
Cita extraída de Galicia Espallada